अमेरिकी पूर्वराष्ट्रपति डोनाल्ड ट्रम्पले युक्रेन–रुस युद्धबारे ठूलो बयान दिएका छन्। उनले यदि शान्ति सम्झौतामा प्रगति भएन भने युक्रेनी राष्ट्रपति भोलोडिमिर जेलेन्स्की गम्भीर संकटमा पर्न सक्ने चेतावनी दिएका छन्।
ट्रम्पले ह्वाइट हाउसमा आयोजित कार्यक्रममा भने, “यदि युद्ध रोकिएन भने जेलेन्स्की धेरै लामो समयसम्म टिक्न सक्ने छैनन्।” उनको यो भनाइले युक्रेनी नेतृत्वबारे नयाँ बहस सिर्जना गरेको छ।
ट्रम्पले युक्रेनलाई युरोपले भन्दा अमेरिका आफैंले धेरै सहायता दिएको गुनासो गरे। उनका अनुसार, “अमेरिकाले ३५० अर्ब डलर सहायता दिएको छ, तर युरोपले केवल १०० डलर मात्र दिएको छ।” उनले युरोपले युक्रेनलाई अझै बढी सहयोग गर्नुपर्ने बताए।
ट्रम्पले रुसविरुद्धको लडाइँमा हरेक हप्ता हजारौं युक्रेनी सैनिकहरू मारिएको खुलासा गरे। उनले भने, “म ती युवाहरूलाई अनावश्यक रूपमा मर्नबाट रोक्न चाहन्छु।”
फेब्रुअरीमा, राष्ट्रपति जेलेन्स्कीले यदि शान्ति र नाटो सदस्यता सुनिश्चित हुने हो भने आफ्नो पद त्याग्न तयार रहेको बताएका थिए। उनले आफ्नो ध्यान हाल युक्रेनको सुरक्षामा रहेको बताएका छन्।
ट्रम्पको भनाइले युक्रेनको भविष्य र जेलेन्स्कीको स्थायित्वबारे ठूलो प्रश्न खडा गरेको छ। अब शान्ति वार्ता अघि बढ्छ वा युद्ध लम्बिन्छ? जेलेन्स्कीको नेतृत्व संकटमा पर्छ? यस्ता जटिल प्रश्नहरूको जवाफ आउँदो समयले दिनेछ।
