लहान। सुर्य ज्योति लाईफ इन्स्योरेन्स कम्पनी लहान शाखाले ´सुर्यज्योतिको न्यानोपन` कार्यक्रम अन्तर्गत सयभन्दा बढी गरिब तथा विपन्न परिवारलाई न्यानो कपडा वितरण गरेका छन् ।
तराई मधेसमा हरेक वर्ष चिसोले कठ्यांग्रिएर मृत्यु हुनेहरूको संख्या दिनानुदिन बढ्दै गएको कारण बिमा कम्पनीले लहानमा पहिलोपटक जाडो छल्नलाई न्यानो कपडा वितरण गरेको छ । ´यो सानो न्यानो सहयोग हो । हाम्रो सूर्य र ज्योति बिमा कम्पनी भर्खरै मर्ज भएर थप विस्तार हुने क्रममा छ । समाजिक क्षेत्रमा थप सहयोग आगामी दिनमा गर्दै जाने` लहान शाखाका प्रबन्धक प्रीति चौधरीले बताइन् ।
देशभरमा १९ वटा बिमा कम्पनी रहेकोमा पहिलोपटक सूर्य र ज्योति बिमा कम्पनी मर्ज भएर १७ मा पुगेको छ । यो संख्या पनि झरेर नेपाल सरकारको नियमअनुसार १० मा पुग्नेछ । हाम्रो बिमा कम्पनीको १५ वर्ष पुरा भएको छ । यसरी नै हामी विपन्नहरुको पक्षमा थप सेवामूलक कामहरु गर्दै जाने उनले थपिन् ।
सुर्य ज्योति बिमा कम्पनीको संस्थागत चुक्ता पूजी ४ सय ५४ करोड र लगानी २ हजार ८ सय करोडभन्दा बढी रहेको मधेश प्रदेश प्रमुख दिपेन्द्र यादवले जानकारी दिएका छन् । उनले थपे, संस्थाको २ हजार २ सय करोडभन्दा बढीको जीवन बिमा २ सय २७ करोडभन्दा बढीको बिमा शुल्क आर्जन रहेको छ । देशभरीमा १ सय ८१ शाखा मार्फत सेवाग्राहीहरुलाई सेवा प्रदान गर्दै आएको समेत जानकारी दिए ।
मधेस प्रदेश प्रमुख दिपेन्द्र यादवको अध्यक्षतामा आयोजित न्यानो कपडा वितरण कार्यक्रमका प्रमुख अतिथि लहान नगरपालिकाका उपमेयर रामचलितर महतो लगायतका अतिथिहरुको हातबाट न्यानो कम्बल र बर्को ओढाएर बितरण गरेका थिए ।
