कटारी ।उदयपुर जिल्लाको कटारी नगरपालिका वडा नम्बर ७, तपीकी कमला तामाङको घर दसैंको बेला विद्युत सर्ट भएर जलेर पूर्ण रूपमा नष्ट भएको छ। यस आगलागीमा तामाङ परिवारको सम्पूर्ण सम्पत्ति, खाने अन्नदेखि अन्य सामानहरू सबै नष्ट भएका छन्। ५० वर्षीया कमला तामाङको परिवारलाई नेपाल रेडक्रस सोसाइटी कटारी उपशाखाले राहत सामग्री वितरण गरेको छ।
शाखाका सभापति राजिव तामाङको नेतृत्वमा गएको टोलीले पीडित तामाङका श्रीमान विनोद लामालाई भाँडाकुँडा, लत्ता कपडा, खाद्यान्न लगायतका सामग्री हस्तान्तरण गरेको थियो। सभापति तामाङका अनुसार दसैंको समय भएको यस आगलागीले तामाङ परिवारलाई गम्भीर आर्थिक र सामाजिक क्षति पुर्याएको छ।
यसैबीच, आगलागीमा घाइते भएकी कमला तामाङको कटारी अस्पतालमा उपचार भइरहेको छ। ईलाका प्रहरी कार्यालय कटारीले आगलागीबाट पाँच लाखभन्दा बढीको क्षति भएको अनुमान गरेको छ।
