लहान ।लहान नगरपालिका–१६ तरेगणा गोविन्दपुरमा वर्षौंदेखि रोकिएको खानेपानी आयोजनाको काम पुनःसञ्चालन भएको छ। नगरप्रमुख महेश चौधरीको पहलमा आइतबारदेखि खानेपानीको डिप बोरिङ जडान सुरु भएको हो।
वाटर एड, नेपाल खानेपानी संस्थान, लहान शाखा, र दलित जनकल्याण युवाक्लबको सहयोगमा सञ्चालित ‘द विकन परियोजना’अन्तर्गत ६० लाख लागतमा परियोजना अघि बढाइएको छ। अब, १,०४१ घरधुरीमा धारा जडान गरी ८,३९४ स्थानीयलाई सुविधा दिने लक्ष्य राखिएको छ।
ADVERTISEMENT
खानेपानी संस्थानका अनुसार, २,२५,००० लिटर क्षमता भएको पानी भण्डारण ट्याङ्क निर्माण भइसकेको छ। विगतमा बोरहोल असफल भए पनि अहिले नयाँ स्थानमा काम भइरहेको छ।
ADVERTISEMENT
ADVERTISEMENT
नगरप्रमुख चौधरीले स्थानीयलाई चाँडै खानेपानीको समस्या समाधान हुने विश्वास दिलाएका छन्। वडाध्यक्ष गडुलबहादुर जर्घामगरले पनि यस कामलाई पूर्ण समर्थन गर्ने प्रतिबद्धता जनाएका छन्।
