एजेन्सी।क्यानडाको प्रधानमन्त्री बन्ने दौडमा भारतीय मूलकी रुबी ढल्लाको नाम पनि चर्चामा आएको छ। टोरन्टो क्षेत्रकी पूर्व लिबरल सांसद तथा प्रेरक वक्ता ढल्लाले सन् २००४ देखि २०११ सम्म टोरन्टो क्षेत्रको सिट सम्हालेकी थिइन्। उनी हाउस अफ कमन्समा निर्वाचित हुने भारतीय मूलकी पहिलो क्यानेडियन महिला पनि हुन्।
लिबरल पार्टीका नेता जस्टिन ट्रुडोले राजीनामा दिएपछि पार्टी नयाँ नेताको खोजीमा छ। भारतीय मूलकी अनिता आनन्दले दौडबाट नाम फिर्ता लिएसँगै रुबी ढल्लाको उम्मेदवारी चर्चामा छ। ढल्लाले आफ्नो सहभागिताले प्रधानमन्त्रीको दौडमा विविधता ल्याएको बताएकी छिन्।
राजनीतिक जीवनमा ढल्ला केही विवादमा पनि परेकी थिइन्। सन् २००९ मा घरेलु कामदारलाई दुर्व्यवहार गरेको आरोप लागेपछि उनले सांसद पदबाट राजीनामा दिनुपरेको थियो। तर, उनले कुनै गल्ती नगरेको बारम्बार अस्वीकार गर्दै आएकी छन्।
ढल्लाले आफ्नो प्रारम्भिक दिनमा मोडलको रूपमा काम गरेकी थिइन् र हाल उनी होटल व्यवसायमा संलग्न छिन्। उनका प्रतिस्पर्धीहरू पनि दौडमा छन्, तर ढल्लाको सहभागिताले क्यानडाको राजनीतिमा नयाँ कोण थपेको छ।
