भारतकी प्रसिद्ध सुटर मनु भाकरले आफ्नो करियरको आगामी योजनाबारे ठूलो खुलासा गरेकी छिन्। पेरिस ओलम्पिक 2024 मा दुई कांस्य पदक जितेपछि चर्चामा रहेकी मनु केही समयदेखि प्रतिस्पर्धा र प्रशिक्षणबाट टाढा थिइन्। हालै उनले एएनआईसँगको अन्तर्वार्तामा आगामी योजनाहरुबारे जानकारी दिँदै भनिन् कि उनी आगामी नोभेम्बरदेखि पुनः प्रशिक्षणमा फर्किन लागेकी छिन्।
मनुले भनिन्, “मेरो ध्यान १० मिटर र २५ मिटर इभेन्ट्समा केन्द्रित हुनेछ। प्रतियोगितामा भाग लिने कुरा गर्दा, म अर्को वर्षदेखि फेरि प्रतियोगितामा सहभागी हुनेछु।”
मनुले तीन महिनाको ब्रेक लिएको कारण पनि खुलाएकी छिन्। पेरिस ओलम्पिक 2024 पछि उनको कोचले उनलाई विश्राम दिनु पर्ने योजना बनाइसकेका थिए, र खेलकुदबाट केही समय टाढा रहने निर्णय गरेको बताइन्। साथै, उनलाई चोट लागेको हुँदा यो ब्रेक आवश्यक भएको पनि बताइन्।
मनुले परिवारसँग समय बिताउन पाएको र घरको खाना खाएर आनन्द लिएको उल्लेख गर्दै भनिन्, “धेरै समयपछि घरको खाना खान पाउँदा खुसी छु, यो एकदम स्वादिष्ट छ।”
मनु भाकरले आफ्नो ध्यान आगामी वर्ष 2025 मा हुने काइरो, मिस्रमा आयोजना हुने शूटिंग वर्ल्ड च्याम्पियनसिपमा केन्द्रित रहेको बताइन्। यस च्याम्पियनसिपमा उनी दुईपटक पदक विजेता भइसकेकी छिन्— 2022 मा स्वर्ण पदक र 2023 मा रजत पदक जितेकी थिइन्।
