‘अग्निदहन’ शुक्रबारदेखि प्रदर्शनमा: बोक्सी प्रथा विरुद्धको सन्देश

काठमाडौं ।शुक्रबारबाट प्रदर्शनमा आउन लागेको फिल्म ‘अग्निदहन’ले समाजमा बोक्सी प्रथा उन्मूलन गर्न सन्देश दिन खोजेको छ। लोकमणि पौडेलको उपन्यासमा आधारित यस फिल्मले महिलामाथि हुने अत्याचारलाई उजागर गर्दै बोक्सी नामको कुनै अस्तित्व नभएको तथ्य प्रस्तुत गरेको छ।

फिल्मका परिकल्पनाकार कोविदशरण उपाध्यायले भने, “यो फिल्म बोक्सीका नाममा महिलामाथि गरिने अत्याचार अन्त्यका लागि बनाइएको हो।”
कलाकार प्रमिला तुलाचन र तुलसी क्षेत्रीले बोक्सीको आरोप झेलेका महिलाको दर्दनाक अनुभव पर्दामा उतारेका छन्। निर्देशक घनश्याम लामिछानेका अनुसार यो व्यावसायिक भन्दा पनि सामाजिक अभियानका रूपमा निर्माण गरिएको फिल्म हो।

ADVERTISEMENT

नेपालका शीर्ष नेताहरूले समेत प्रशंसा गरेको यो फिल्मलाई चलचित्र विकास बोर्डले विशेष चलचित्र अवार्ड’ले सम्मानित गरेको छ।

ADVERTISEMENT

ADVERTISEMENT