लहान ।सिरहाको गोलबजार नगरपालिका–१३, दुर्गापुरका किसान दुर्गेश महतोले अनौठो प्रजातिको काउली उत्पादन गरी उपभोक्तालाई चकित पारेका छन्। सेतो र उत्कृष्ट गुणस्तरका काउलीले बजारमा विशेष पहिचान बनाउँदै आएका महतो लामो समयदेखि कृषि पेशामा संलग्न छन्।
ADVERTISEMENT
परम्परागत खेतीलाई परिमार्जन गरी नयाँ प्रविधिको प्रयोगमार्फत उनले उत्पादनमा विविधता ल्याएका छन्। तर, महतोले साना किसानलाई सरकारी अनुदान र सहयोग प्राप्त गर्न कठिनाइ भएको गुनासो गरेका छन्। “सरकारी योजनाहरू कागजमै सीमित छन्,” उनले भने।
किसान महतोले बीउ, मल र सिंचाइको अभावजस्ता समस्या समाधान गर्न सरकार र सम्बन्धित निकायलाई आग्रह गरेका छन्। आधुनिक कृषि प्रविधि प्रयोग गर्दै आत्मनिर्भर बन्न उनले सरकारको सक्रिय भूमिकाको अपेक्षा गरेका छन्।
ADVERTISEMENT
ADVERTISEMENT
