काठमाडौँ — भारतको क्षेप्यास्त्र आक्रमणमा पाकिस्तानमा मृत्यु हुनेको संख्या ३१ पुगेको छ। पाकिस्तानी सेनाले बिहीबार बिहान अद्यावधिक जानकारी दिँदै ५७ जना घाइते भएको जनाएको छ।
यसअघि पाकिस्तानले २६ जनाको मृत्यु भएको जानकारी दिएको थियो। पछिल्लो विवरणमा मृतक संख्या थप ५ जना बढेको हो।
ADVERTISEMENT
यसैबीच, भारतीय सेनाले पनि आफ्ना सीमावर्ती क्षेत्रमा पाकिस्तानी गोलाबारीबाट कम्तीमा १५ जना सर्वसाधारणको मृत्यु भएको जनाएको छ।
ADVERTISEMENT
ADVERTISEMENT
भारतले बुधबार रातिको आक्रमण गत महिना पहलगाममा भारतीय पर्यटकहरूलाई लक्षित गरी गरिएको आतंकवादी आक्रमणको जवाफस्वरूप भएको बताएको छ।
भारत प्रशासित कश्मीरमा दशकौंदेखि विद्रोह जारी छ। कश्मीरलाई भारत र पाकिस्तान दुवैले आफ्नो भागको रूपमा दाबी गर्दै आएका छन्।
