जकार्ता। इन्डोनेसियाको जकार्ता सहर नजिकै रहेको खाना पकाउने तेल उत्पादन गर्ने कारखानामा शुक्रबार साँझ भएको आगलागीमा ९ जनाको मृत्यु भएको छ भने ४ जना घाइते भएका छन्। स्थानीय अधिकारीहरूका अनुसार आगो अहिले नियन्त्रणमा आइसकेको छ।
बेकासी सहरको औद्योगिक क्षेत्रमा अवस्थित यो कारखानामा भएको दुर्घटनामा अधिकांश पीडितहरू कारखानाका कामदार रहेका छन्। बेकासीको विपद् व्यवस्थापन एजेन्सीको पुनर्निर्माण तथा पुनर्वास एकाईका प्रमुख इधम खोलिदले घटनाको पुष्टि गर्दै आगलागी नियन्त्रणमा ल्याउनका लागि तत्कालै कदम चालिएको जानकारी दिए। साथै, घाइतेमध्येका तीनजना कारखानाका कामदार हुन् भने एक जना अग्नि नियन्त्रक पनि घाइते भएका छन्।
जकार्ता खोजी तथा उद्धार विभागका प्रमुख अगुङ प्रियाम्बोडोका अनुसार घाइतेहरूको अहिले अस्पतालमा उपचार भइरहेको छ। आगलागीको कारणबारे भने अहिलेसम्म कुनै जानकारी बाहिर आएको छैन।
