लहान १७ कार्तिक। लहान–३ स्थित सप्तऋषि अस्पतालको पश्चिमपट्टि रहेको पंचाङ्ग आयुर्वेद उपचार केन्द्र प्रा.लि. मा आयुर्वेदिक पद्धतिबाट विभिन्न जटिल रोगहरूको सफल उपचार भइरहेको छ।
वरिष्ठ आयुर्वेद चिकित्सक डा. मिथिलेश कुमार सिंह (BAMS, IOA–NSU, दाङ) को प्रत्यक्ष निगरानीमा सञ्चालन हुँदै आएको यस केन्द्रमा ग्यास्ट्रीक, जन्डिस, दम, खोकी, महिलामा हुने महिनावारी गडबडी, लिकोरिया, तल्लो पेट दुख्ने, बाँझोपन, यौन दुर्वलता, डायबिटिज, स्मरणशक्ति कमी, टाउको दुख्ने, मृगौलाको पथरी, छालासम्बन्धी समस्या, डण्डीफोर, टन्सिल, पाइल्स, भगन्दर र फिसर लगायतका रोगहरूको प्रभावकारी उपचार गरिँदै आएको छ।
डा. सिंहका अनुसार यहाँ अग्निकर्म, विदुकर्म, मर्मचिकित्सा, लिच थेरेपी तथा पंचकर्म (पूर्वकर्म) जस्ता आधुनिक आयुर्वेदिक प्रविधिहरू प्रयोग गरिन्छ, जसले दीर्घकालीन रोगहरूमा उल्लेखनीय सुधार ल्याएको छ।
विशेष गरी बावासीर (पाइल्स), भगन्दर (फिस्टुला) र फिसर का बिरामीका लागि यहाँ क्षारसुत्र विधिबाट शल्य उपचार गरिन्छ, जुन आयुर्वेदमा सर्वाधिक प्रभावकारी र सुरक्षित उपचार विधि मानिन्छ।
आयुर्वेदले रोगको जडसम्म पुगेर उपचार गर्छ। यहाँ आउने बिरामीहरूलाई हामी केवल औषधि मात्र होइन, जीवनशैली परिवर्तनका सल्लाहहरू पनि दिन्छौं, जसले स्थायी सुधार ल्याउँछ।
आज धेरै बिरामीहरू आधुनिक औषधिले थाकेका छन्। तर जब उनीहरू आयुर्वेदिक उपचारमा आउँछन्, प्राकृतिक जडीबुटी र विशेष पद्धतिहरूले केही दिनमै राहत मिल्छ। हाम्रो उद्देश्य केवल रोग हटाउने होइन, बिरामीलाई पूर्ण रूपमा स्वस्थ र ऊर्जावान बनाउने हो।
यदि तपाईँमा आशा र धैर्य छ भने, आयुर्वेदमा समाधान पक्कै छ। धेरै बिरामीहरू, जसले वर्षौंसम्म दुःख भोगेका थिए, अहिले पूर्ण रूपमा निको भएर खुशी जीवन बाँचिरहेका छन्।
यस केन्द्रमा उपचार लिएका सखुवानन्दकारकटी गाउँपालिका–२, सोठीयानका शिवशक्ति महतो भन्छन्,
म लामो समयदेखि पाइल्सको समस्याबाट पीडित थिएँ। एलोपेथिक औषधि धेरै खाएँ तर सुधार आएन। तर यहाँ आयुर्वेदिक औषधि खाएपछि अहिले पूर्ण रूपमा निको भएको छु।
डा. सिंहले थपे, “यस्ता उदाहरणहरूले प्रमाणित गर्छ कि आयुर्वेद केवल विकल्प होइन, उपचारको स्थायी मार्ग हो।
