अण्डाको मूल्यवृद्धिले किसानमा नयाँ जोश, लागत अनुसारको मूल्य पाउँदा उत्साहित

काठमाडौं।गत भदौ पहिलो सातादेखि निरन्तर घटेको अण्डाको मूल्यले किसानहरूलाई निराश बनाएको थियो। तर, अहिले मूल्यमा सुधार आउन थालेपछि किसानहरूमा नयाँ जोश र उत्साह आएको छ। लागत नजिक अण्डा बिक्री गर्न पाउँदा किसानहरू खुसी भएका छन्।

नेपाल लेयर्स कुखुरा पालक सङ्घका अध्यक्ष विनोद पोखरेलका अनुसार आजदेखि लागू हुने गरी अण्डाको नयाँ मूल्य निर्धारण गरिएको छ। चितवनलाई आधार मानी तय गरिएको यस मूल्यअनुसार ठूलो अण्डाको समर्थन फार्म मूल्य प्रति क्रेट (३० वटा) रु पाँच सय, मध्यम अण्डा प्रति क्रेट रु चार सय ८५, र ‘एक्सएल’ अण्डाको मूल्य प्रति क्रेट रु पाँच सय १५ कायम गरिएको छ।

ADVERTISEMENT

मूल्यवृद्धिले उत्पादन लागत धान्न र मुनाफा गर्न किसानहरूलाई थप प्रोत्साहन मिलेको छ।

ADVERTISEMENT

ADVERTISEMENT